چیا پرێس - شنگال

وەزارەتا خواندنا بلندا حکومەتا هەرێما کوردستانێ راگەهاند ل پێشیا هەفتیا بێ ئەنجامێت وەرگرتنا دەرچوویێت پۆلا دوانزدێ ل زانکۆیا وێ ئێنە راگەهاندن و دڤێت هەر زوو دەست ب خوەندنا خوە بکن.

لگۆری راگەهاندنا وەزارەتا خواندنا بلند و ڤەکۆلینێت زانستی، "ل رۆژا یەکشەما بێ 24ـی ئەیلولا 2023ـێ، ئەنجامێت زانکۆلاین و پرۆسەیا وەرگرتنا دەرچوویێت قۆناغا دوانزدێ ئامادەیی ل کولیژ و پەیمانگەها وێ ئێنە راگەهاندن.

د راگەهاندنا وەزارەتێ دە هاتیە ژی، "حەوجەیە هەر ژ رۆژا راگەهاندنا ناڤان، خوەندەکار پەیوەندیێ ب پشکێت خوە یێت کولیژ و پەیمانگەهان بکەن و رۆژا 1-10-2023 یەکەم رۆژا دەواما خوەندەکارێت قۆناغا یەکێ یە ل زانکۆ و پەیمانگەها.