بەری ٢ ساڵ
چیا پرێس - شنگال
رێڤەبەریا گشتی ئا کاروبارێت ئێزیدیا د زەلالکرنەکێ دە راگەهاند، وەزارەتا ئەوقافا هەرێما کوردستانێ ژبەر وی مەلایێ سڤکاتی ب هێمایێت پیرۆزێت ئێزیدیا کرین هاتە سەر خەت و وی مەلای ڤیدیۆیا خوە ژێبر و بریارە سبە پێرابوونێت یاسایی د دەرهەقێ وی دە بئێنە ئەنجامدان.
ئەڤ ژی دەقێ زەلال کرنێ یە:
رۆنكرنه‌ك ژ ڕێڤه‌به‌ريا گشتى يا كاروبارێن ئێزديان
ڕێڤه‌به‌ريا گشتى يا كاروبارێن ئێزديان رۆنكرنه‌ك ل دۆر وى مه‌لايێ سفكاتى ب هێمايێن پيرۆز يێن ئێزديان كرى به‌لاڤكر.
پشتى مه‌لا عومه‌ر داره‌تووى گۆتاربێژێ مزگه‌فته‌كێ ل هه‌ولێرێ،ده‌مژميرا خۆ يا ديوارى شكاندى ژبه‌ر هێمايێن پيرۆز يێن ئێزديان ل سه‌ر وێ دەمژمێرێ هاتينه چێكرن،ڕێڤه‌به‌ريا گشتى يا كاروبارێن ئێزديان دووڤچۆنا بابه‌تى كر و پشتى وه‌زاره‌تا ئه‌وقافێ ئاگه‌هداركرى جه‌نابێ وه‌زيرێ ئه‌وقافێ هاته سه‌ر خه‌ت و پشتى ڤێ دووڤچۆنێ مامۆستايێ ئايينى يێ ناڤبرى پارچه ڤيديۆيا خۆ ره‌شكر و لادا.
بریارە سبەهی پێرابوونێن ياسايى ژئالیێ رێڤەبەریا ئەوقافا هەولێر ڤە د ده‌رهه‌قێ وى مه‌لايى دا بێنە ئه‌نجام دان،چنكو ئێك ژ كارناما حكومه‌تا هه‌رێما كوردستانێ ئه‌وە كو هه‌موو پێكهاتێن گه‌لێ كوردستانێ ب ئازادانه ده‌ربرينێ ژ بيروبۆچۆنێن خۆ بكه‌ن و نابت سفكاتى ب هێمايێن پيرۆز يێن چوو ئايينان بێنه كرن.
ڕێڤه‌به‌ريا گشتى يا كاروبارێن ئێزديان
27/8/2022