بەری ساڵێک
چیا پرێس - خێرۆ گرعزێری
ئەڤ هەیاما زێدەتر ژ چار سالایە کار لسەر چێکرنا شارعا چار ساید ئا شنگالێ تێتە کرن لێ ژبەر خەمساریا حکومەتێ و دابین نەکرنا دراڤێ لازم ژێ رە هیش نەهاتیە تەمام کرن.
نایف خوەدێدا یەک ژ وەلاتیێت شنگالێ یە دبێژە، "ئەڤ زێدەتری چار سالایە حکومەت کار لسەر چێکرنا ڤێ شارعێ دکه لێ هەتا نهوە نکاریە کارێ خوە ب درستی تەمام بکه هەرچەندە شارع تەمام بوویە لێ نە دار هاتینه چاندن و نە رەسیف هاتینه سەب کرن و گەمار و گلێشا ناڤ باژێر ژی ب دروستی نائێتە راکرن ژ سەبەبێ خەمساریا حکومەتێ".
گۆتژی، "ئەم داخوازیێ ژ باژێرڤانیا شنگالێ دکن فشارێ ب ئێخیە سەر حکومەتێ کە ئەڤ پرۆژە بێتە تەمامکرن و رۆناهیا شارعا و چاندنا دار و کەسکاتیا و نیشانێت هاتن و چوونێ لسەر شارعێت شنگالێ بینه دیتن و پتر گرنگی ب شنگالێ بێتە دان و خزمەتگوزاری ب تەمامی ل دەڤەرێ ڤەگەرین دا خەلکێ ئاوارە ژی کاربن جارەکا دی ڤەگەرینە سەر مال و ژیانا خوە ل شنگالێ.
لگۆری ئالیێ سەرپەرشتیا ڤی پرۆژی دکە هەتا نهوە نێزیکی 4 ملیار دینارا لێ هاتینە خەرجکرن و 2 ملیارێت دی ژێ رە لازمن دا وەکە نەخشە پلانا ژێ رە هاتینە دانین تەمام ببێ.
ژئالیێ خوەڤە کەمال شەرۆ رێڤەبەرێ باژێرڤانیا شنگالێ دیارکر، "وەختەکی درێژ لسەر ڤی پرۆژی رە دەرباس بوو لێ نە کارەکی سەهەلە ژبەر پێدڤی ب گەلەک مەسرەفێ یە و وان گەلەک تشت داخواز کرینه ژڤێ شارعێ رە وەک رۆناهیا شارعا، دار و بار ،ترافیکلایت و گەلەک حەوجەیێت دی".
"هەرچەندە وان گەلەک جارا داخواز ژ حکومەتێ کرییە دراڤێ پێدڤی بشینن دا کاربن ڤی پرۆژی پی تەمام بکن لێ بێ بەرسڤ بووینه و حکومەت ئا خەمسارە ژ ئالیێ دابینکرنا پێدڤیا ڤە"، کەمال شەرۆ وەها گۆت.
درێژیا هەر سایدەکی ژیێت ڤێ رێ دبیە چار کیلۆمەتر کە درێژیا گشتی دبیە شانزدە کیلۆمەتر و ئەڤە هەیاما زێدەتری چار سالایە هاتیە دەستپێکرن و وەختێ خەلاس کرنا وی هیش نە دیارە.