چیا پرێس - شنگال

ئیرۆ رۆژا دوو شەمێ 19ـی ئەیلولا 2022ـێ، ژمارەکا بریارا ژبەر جەمایا شیخادی هاتنە دەرئێخستن ژ وان ژی قه‌ده‌غه‌كرنا كێشانا نارگیلێ و دانینا کافیایە.

لوقمان سلێمان بەرپرسێ راگەهاندنا پەرستگەها پیرۆزا لالش راگەهاند، "پێشبینی دکن ئیسال پتر ژ 150 هەزار زیارەتکارا سەردانا پەرستگەها لالش بکن ژ دەرڤە و ناڤخۆیێ وەلات".

ئاشکەرا کر، "ژبەر جەمایا ئیسال هژمارەکا بریارا هاتیە دەرئێخستن کە ب چ ئاوایەکی نابێ نارگیلە ل پەرستگەهێ بئێتە کێشان و کافیە بئێنە دانین و دیلان بئێتە کرن دیسا ژی دانینا کچ و ژنا لبەر خوارنگەها هاتیە قەدەغەکرن".

ل 6ـی تشرینا یەکێ ئا تێ هەتا 13ـی وێ مەهێ رێ و رەسمێت جەمایا شیخادی ل پەرستگەها لالش ل سنوورێ قەزا شێخان وێ ئێنە گێران.