بەری ٢ ساڵ
چیا پرێس - خێرۆ گرعزێری
ب ئەگەرێ نەبوونا خوەندنگەهێت قۆناغا ئامادەیی ل ژمارەکا گوند و کۆمەلگەهێت شنگالێ، خوەندەکارێت وان دەرا مەجبوورن هەر رۆژ سەردانا سەنتەرێ قەزا شنگالێ بکن ب مەرەما خوەندنێ، پەروەردا زمانێ کوردی ل قەزایێ خوەیا دکە چ چارە ب دەستێ وان نینە و ئەو نکارن خوەندنگەهەکا دی ئا ئامادەی ل وێدەرێ ڤەکن.
ئالان مەروان یەک ژ خوەندەکارێت قۆناغا ئامادەیی یە ل گوندێ سۆلاغێ ژ چیا پرێس رە وەها گۆت، "ئەم وەک خوەندەکارێت شنگالێ ب هەر ئاوایەکی ئەم غەدر لێ کرینە ژبەر نەبوونا خوەندنگەهێت قۆناغا ئامادەیی ل گوندێت مە ئەم نەچارن بچنە شنگالێ و رێیێت دریژ ببرن هەتا ئەم ژ خوەندنێ بێ بەهر نەبن".
لگۆری خوەندەکارەکی دی کە ژ سنوورێ ناحیە گرعزێر هەر رۆژ دچە شنگالێ ب مەرەما بەردەوامی دانێ ب خوەندنێ، "گەلەک تەعدە ل ئاستێ وان یێ زانستی دبە و گەلەک خوەندەکار هەینە کرێیا هاتن و چوونێ ژێ نایێ ژبلی خەرجیێت دی خوەندنگەهێ لۆما داخوازێ ژ ئالیێت کاربدەست دکە ل نێزیک خوەندنگەهێت قۆناغا ئامادەیی ژێ رە بئێنە ڤەکرن".
ژبلی نەبوونا خوەندنگەهێت ئامادەیی ل هنەک ناڤچەیێت شنگالێ، زێدەتر ژ پێنج سالایە ئەڤ باژار هاتییە رزگارکرن و رێژەکا مەزنا خەلکێ ڤی باژاری ڤەگەریایە سەر مال و حالێت خوە لێ هەتا نهوە نە پەروەردا شنگالێ ڤەگەریایە باژار و نە ئەزموونێت وزاری ل ڤێدەرێ هاتینە کرن و ئەڤ یەک دبە جهێ دلگرانیا خوەندکارا.
رێڤەبەرێ پەروەردا قەزا شنگالێ مەیسەر حەجی ژ چیا پرێس رە ئاشکرا کر، "بەریا مەهەکێ ژ نهوە ئەو وەزیرێ پەروەردێ رە کۆم بوویە و گلی و گازنێت خوەندکارا گەهاندینه جهێت بلند لێ ژبەر نەڤەگەریانا خەلکێ شنگالێ بۆ سەر جھ و وارێت وان و ژبەر ململانیێت سیاسی ل شنگالێ ئەو نکارن پەروەردا شنگالێ ڤەگێرنە جهێ وێ و خوەندنگەهێت ئامادەیی ل وێ دەڤەرێ ڤەکن".
وەکە مەیسەر حەجی دبینە، "نەبوونا ئیدارەکێ و کێمیا کادرێ پەروەردێ ل شنگالێ تایبەت مامۆستایا بوویە ئەگەرێ هەبوونا ڤان کێشەیا".