چیا پرێس - خێرۆ گرعزێری

ژینگەها شنگالێ ب ئاوایەکی گشتی لگۆری پیڤەرێت نیڤ دەولەتی نە ل. ئاستێ پێدڤی دەیە و کاریگەریەکا مەزن ل ژیانا خەلکێ ل دەڤەرێ کریە، رۆژ بۆ رۆژێ ژی گیانەوەرێت بەردای ل ڤی باژاری زێدە دبن.

وەلید خالد وەلاتیەکی شنگالە ژ چیا پرێس رە گۆت، "زێدەبوونا گیانەوەرێت بەردای ل نێڤ شنگالێ بوویە جهێ مەترسی و زێدەبوونا نەخوەشیا لسەر خەلکێ دەڤەرێ ژبەرکە ل وەرزێ هاڤینێ گەلەک ژوان گیانەوەرا گوری دبن و ئێش ژێ پەیدا دبن یان ژی گەلەک بیهنەکا نەخوەش ژی تێ و ل نێڤ باژار دگەرین".

هەروەها خەلەف خودێدا ژ خەلکێ گوندێت دەروبەرێت باژارە دبینە، "زێدەبوونا رێژا کەر و کوچکێت بەردای ئاریشەکا خەرابە و مەترسی لسەر ژینگەهـ و زارۆکێت وان ژی هەیە".

ئەڤ ئاریشە پتر ژ 15 سالایە ل شنگال و دەردۆرێت وێ هەیە، گەلەک جارا ئالیێت کاربدەست هەوێت نەهێلانا ڤان گیانەوەرا دەستپێکرینە لێ راستی گلی و رەخنە بووینە ژبا هنەک کەسا ڤە ب وێ ئەگەرێ کە مەترسی یە لسەر مافێ گیانەوەرا.
 

رێڤەبەریا باژێرڤانیا شنگالێ خوەیا دکە ،"ل هەیاما بێ دە ئەوێ دووبارە دەست ب هەوێت نەهێلانا گیانەوەرێت بەردای کن لێ ژبەر نەبوونا جهەکی خوەدانکرنا وان ئەو مەجبوورن وان ب رێیێت جدا بکوژن".