چیا پرێس - لەیت حسێن

رێ و رەسمێت ئیمزاکرن و بەلاکرنا کتێبا کەڤۆکا سیها تاووسێ ئا میدیاکار و نڤیسەر کاروان باعەدری ب هادربوونا کۆمەکا خەلکێ و چالاکڤانا ل ناحیە باعەدرێ برێڤەچوون.

نڤیسەرێ کتێبێ وەها لسەر رە پەیڤت، " کتێبا من ب چار زمان و دیالێکتاییە کوردی( بادینی-سۆرانی) عربی و تورکی و ئینگلیزیە و ئەڤ یەکەم بەرهەمێ من یێ نڤیسینێ یە وەک کتێب، بەرهەمێ رەنج و خەباتا زێدەتری دوو سالایە".

گۆتژی، "ئەڤ کتێبە ستۆریێت ژنێت ئێزیدیایە د کۆمکوژییا ئێزیدیان ل شنگالێ جانێ خوە فیدا کرینە و بووینە سەمبۆلێت ئازایەتیێ، ئەڤ بەرهەمە ب سەرپەڕشتییا کەسانێت تایبەتمەند دبیاڤێ میدیایێ دە هاتیە دروستکرن".

دا خوەیاکرن ژی، "ژبەر بالکێشی و گرنگییا ڤان بابەتان سازییا KirkukNow وەرگێراینە سەر چەند زمانان، نهوە ل مالپەرێ ئەلکترۆنیێ وان ژی دبەردەستن".

پێشەکییا ڤێ کتێبێ ژ ئالیێ نڤیسەر شەمال ئاکرەیی ڤە هاتییە نڤیسین و دیزاینا بەرگی و ناڤەڕۆکێ مللەت محەمەد دیزاینکرینە.

هەر وەک کاروان باعەدری زەلال کری، " ئەڤ کتێب ل وەلاتێ ئیرانێ هاتیە چاپکرن و ب هاریکاریا نێچیرڤان شێخ شامۆ، ژ وەشانێت دەستەییا بلندا بنگەهێ لالشە وچاپا ئيکێ ٥٠٠ دانەیە ٢٣٤ لاپەڕە".