بەری ٢ ساڵ
چیا پرێس - خێرۆ گرعزێری
سەرباری وێ یەکێ کە شنگال ژ وان دەڤەرێت هەری پترە کە ب دارێت هێژیرا و توتنا کەرسێ ناڤدارە و بەشەک ژ خەلکێ وێ خودانێت رەزێت دارێت جۆرە و جۆرن ژبەر کە ئۆکسجین ژ دارا پەیدا دبێ و سپەهیتایێ دنە دەڤەرێ خەلک حەز ژ داران دکن، لێ نەبوونا جهەکی ئاڤێتنا گلێشێ گلی و گازنێت خەلکێ شنگالێ زێدە کرینە ژبەر کە گلێشا زێدە ئا کۆم دبێ ل نێزیک باژارێ شنگال و نە جهێت گونجای زەرەر و زیانێت زێدە دگەهینە وان لۆما داخوازێ ژ حکومەتێ و ئالیێت کار بدەست دکن ئەڤ ئاریشە بێتە چارەکرن.
سامی رەشۆ وەلاتیەکی شنگالە ژ "چیا پرێس" رە گۆت دبێژێ، "ئەم ناخوازن گلێش ل نێزیک باژارێ مە بێتە دانین مە دڤیا ل جهەکی دوور ژ باژار هاتبا ئاڤیتن ژبەرکە ل هاڤینا بیهنەکا گەلەکا نەخوەش ژی تێ و ساخلەمیا خەلکێ تێکددە و گەلەک جۆرێت نەخوەشیا ژێ پەیدا دبن و رۆژ ب رۆژ زێدەتر دبێ و پتر نیزیک باژار دبێ و زێدەتر بیهنێ ددە".
هەروەها شێرزاد کەمالێ وەلاتیەکی دی دەڤەرێ یە گۆت، "ئەڤ گلێش دبە ئەگەرێ پەیدا بوونا گەلەک ژ جۆرێت نەخوەشیا و ئەو دەردۆرێت شنگالێ ب جهەکی نە گونجای دبینێ ژ ئاڤیتنا گلێشی رە تایبەت ژی وەختێ شەوتاندنا گلێش دبە ئەگەرێ بێهن تەنگیێ لبا گەلەک خەلکی".
ناڤهاتی گۆتژی، "داخوازییا وان ژ حکومەتێ و ئالیێت کاربدەست ئەوە ب زووترین وەخت ئەڤ گلێش ژ دەردۆرێت باژار بێتە راکرن و پتر گرنگیێ ب ژیبگەها شنگالێ بێتە داین و دار چاندن زەهڤ ببێ".
نێزیکا پتر ژ سێ سالایە بریارەک هەبوو کە جهەکی دووری باژار بۆ ئاڤێتنا گلێشێ بێتە دەستنیشان کرن لێ هیش دوورە ژ جێبەجێکرنێ.
ژئالیێ خوەڤە رێڤەبەرێ باژێرڤانیا قەزا شنگالێ "کەمال شەرۆ" ژ چیا پرێس رە ئاشکەرا کر، "چەند جارا و بەری فەرمانا ٣ێ تەباخا ٢٠١٤ و هەتا نهۆ ئەو داخوازێ ژ حکومەتێ و جهێت بلند دکن کە جهەکی تایبەت ب ئاڤیتنا گلێشێ بێتە دەستنیشانکرن لێ هەتا نهوە چ جهێت گونجای نەهاتینه دەستنیشانکرن و ئەم ژی ل هێڤیا حکومەتێ نە جهەکی دەستنیشانبکن دا ئەم ژڤێ ئاریشێ خەلاس ببن".
هەروەها خوەیاکر، "ئەو گلێشا ل نێزیک شنگالێ کۆم دبێ نە هەموو ژبا مە ڤەیە وەک باژێرڤانی بەلێ خەلک ژی گەلەک گلێش و پیساتیێ ل وێدەرێ کۆم دکن و دبیە ئەگەرێ بەلابوونا بیهنا نا خوەش".
